وينك تعال غيابك طال عسى ما شر
انا انتهيت من بعدك تعال ولملم اهاتي
شفت الويل بغيابك مرضت وحالتي ما تسر
تعب صوتي يناديلك يبس ريقي على شفاتي
غلاتك طفل وحيد امه تشوفة يكبر ويكبر
تشيل الهم لو يمرض تذوق المر وتحاتي
اشوفك بين اغراضي بين ارواجي في الدفتر
ملامح وجهك الغالي يزين كل لوحاتي
انا مو شاعره يا ناس انا سهرانه مو اكثر
جفاني النوم وقلت اخربش بعض الابياتي
خيالي قام يتمشى وفكري صار يتمختر
عشت احساس بنت تحب تخيلته للحظاتي
بلا حب وبلا وجع قلب غناها "شسمه" ما اتذكر
انا ما احب غير امي وابوي وكل اخواتي


وسلامتكم