للشاعر ابراهيم الشيخي

لو نعمـة النسيـان خلتنـي انسـاك

نعمة غـلاك تردّنـي لـو نسيتـك

انساك؟كيف انساك؟مادمـت ويـاك

وكـل مافينـي ينـادي ((فديتـك))

ماردّنـي لاجـيـك هــذا ولاذاك

تركتهـم حشمـة عيونـك وجيتـك

لولا الحيا والخوف من ضحكة عداك

قضيت باقيـة العمـر عنـد بيتـك

وان جادت الاحلام يومـا بطريـاك

فزيت من حالـي المنـام ودعيتـك

اسهر مع القمـرا لشوفـة محيـاك

كم ليلة اسهرت القمـر واحتريتـك

يشهد علي العاشقيـن انـي اهـواك

حتى عـدوي يشهـد انـي هويتـك

يكفيني من الناس مثلـك وشـرواك

كثيـر غيـرك بعتهـم واشتريتـك

يسعد صباحـك ياحبيبـي وممسـاك

ويسعد لي عيونك وصوتك وصيتـك

امشي على دربك ولو كله اشـواك

وانسـى الحيـاه وناسهـا مانسيتـك