يا ليل لو كان لك لسان ٍ تكلم
خبّر حبيبي شي مقدر أقوله


اني عشانه.. أسهرك وأتالم
أرجي وصال اللي تمنيت أطوله


شوقي لشوفه.. مثل والله أعلم
شوق الرضيع اللي بعمرالطفوله


كل ما ذكرت العين والرمش سلهم
قمت أحتري غيم ٍ قريب ٍ هطوله


آه ٍ وآه ٍ ..يالغضي لو تعّلم
ما تترك اللي قلبه محد ٍ يطوله


لحظة غيابك .. طالت وتبدلت غم
والضحكه صارت أصعب اللي أنوله


أمني نفسي .. كل هذا يصير حلم
وأقول يا رب أصحى لا جاني زوله


إترك غيابك يا حبيبي .. وقل تم
إترك خيالي .. لجلك يطلق خيوله

[mark=#ff0000][/mark]