يووووه . أنت وينك يا عسى القلب يفديك = من جد لك وحشة عسى الله يردك
نفسي تشوف القلب نفسي أوريك = نفسي بعد . قربك وأجيلك لحدك
لك في خفوقي لمسة الهمس هي ذيك = ذكرى وسط قلبي ويمي تشدك
لا تفتكرني يوم لاهي وناسيك = لن الغلا والشوق يمك لوحدك
القلب لك ملكك يحبك وشاريك = يهتز من بارق سموك ورعدك
بالحيل انادي لا تطول وهاتيك = واموت في لحظة مزاحك وجدك
تدري وش اللي ممتحني يوم أناديك = قلبي يفزفز ما رفض لك وردك
يومك تهددني بقولة أراويك = يـُــمّـه .. قسم بالله مقدر أصدك