الأسم المستعار :=
إسمي ولا غير اسمي اسم استعيره =يكفيني فخر ان الله اللي يسمّي
سِمّيت بسعيد ٍ واتمّ المسيرة= يا الله في جنّْتْك فكري وهمّي
%%%%%%%%%%%%%%%%%%%%%%%%%%%%%%%%%%%%%=
الأسم الحقيقي أذا رغبت :=
كان الوالد رحمه الله يستشهد برزفة قديمة يقول فيها / =
يا سعيد السّعد من فوقك ومن قبلك ومن وراك=عاش من شافك وحبّك .........ومن يراك
%%%%%%%%%%%%%%%%%%%%%%%%%%%%%%%%%%%%%%%%%%%%=
الـعـمـــــــــــــــــر :=
قضيت من عمري ثلاث وثلاثين = ما كنّها في خاطري حلم ساعة
%%%%%%%%%%%%%%%%%%%%%%%%%%%%%%%%%%%%%%%%=
الـجـنـســــيــــــــــة :=
سعودي واتشرّف بأني سعودي = في موطن اهل العزّ وارض الرسالة
%%%%%%%%%%%%%%%%%%%%%%%%%%%%%%%%%%%%%%%%=
الحالة الأجتماعية: =
متزوج ٍ كمّلت مالدين شطرة=والعون ياربي فيَ الشطر الآخر
%%%%%%%%%%%%%%%%%%%%%%%%%%%%%%%%%%%%%%%=
مكـان الأقـــــــامة :=
من بيشة الفيحاء جئناكم ملبّينا=والقلب مشتاقٌ لكم يهدي مآقينا
%%%%%%%%%%%%%%%%%%%%%%%%%%%%%%%%%%%%%%%=
الـمـــهــــــنــــــــــة : =
امعلمّ الاجيال يهدي التحية=للمنتدى و المجتمع و القيادة
شمعة وتحرق نفسها ابروح حيّة=في وقت حقّه ضاع واعلن حداده
%%%%%%%%%%%%%%%%%%%%%%%%%%%%%%%%%%%%%%%%%=
الـهـــــــــوايـــــــــة :=
السباحه و الرماية و المثايل =والسفر في اربوع موطنّا العزيز
%%%%%%%%%%%%%%%%%%%%%%%%%%%%%%%%%%%%%=
حكمتك المفضــــله :=
أجملتها في هذه القصيدة /=
يا بو عوض لا تشتكى جور الأيام =هم ٍ بدى لا بدّ ماله نهاية
وإنْ تعزف ارياح التعاسة بلانغام=فالصبر طوّق حول روحي حماية
وان مالت ايّام الزمن صدّ وخصام=ما ني بلوّام ٍ كثير الشكاية
وان لفت الدنيا خيوطٍ بإحكام=عليّ فطموحي يباعد مدايه
وانا جعلت الله وذكره لى احزام=أشدّ به أزري وهو لي كفاية
كريم يكفيني عن الخلق ما ضام=واللي نزل بي من ظروف وبلايه
وامن القوافي عندي ارماح واسهام =ارمي بها من يستحقّ الرماية
ومن الشمايل عندي ادروع وحسام=بتّار ما يقصد سوى الحقّ غاية
ومن الشجاعة عندي اعزوم واقدام= ويا ويل منهو معتدٍ في سمايه
ويا شامتٍ بي عا الدهر جب لي الزام=انك بري ٍ ما يصيبك نكايه
مسكين تفكيرك هزيل ٍ به اسقام=محدود مابه معرفة أو دراية
كل البشر تمضي القدرها بلقدام=غصبٍ عليها وعينها في عماية
إن مرّ يومك سالم الهمّ بانعام=فباكر الله عالم ٍ بالنهاية
وان تشرب اليوم العسل صافي وخام=فالمرّ باكر له كؤوس وسقاية
والله لو عاش الفتى ادهور واعوام=لا بدّ ما تجيه المنيّة وصاية
والمسعد اللي دايم الخير قوّام=بحقوق ربه بين تسبيح وآية
كثير ركعاتٍ مزكّي وصوّام =سليم صدر امن الحسد والغواية
مكتوب له في اللوح فوز ٍ مع اختام=ابجنتن ربّي بناها ابعناية
هذا وصلّوا عالنبي عدّ ماحام=من طير تسبيحه لربّه هداية
%%%%%%%%%%%%%%%%%%%%%%%%%%%%%%%%%%%%%%%%=
اكـلـتــك المفضلـــة : =
الكبش لا منّه على الصحن مسدوح=فابعد وقرّب لي من الصحن بيره
%%%%%%%%%%%%%%%%%%%%%%%%%%%%%%%%%%%%%%%%=
مشــروبـك المـفضل :=
البن الاشقر حمّسه يقعد الراس=ضفّ له حواج وقرّب التمر صفري
%%%%%%%%%%%%%%%%%%%%%%%%%%%%%%%%%%%%%%%%%%=
أجمل أيام الاسبوع : =
يوم ٍ يزيد الرجل لله طاعة=لعلّه ايكون اجمل أيام عمره
%%%%%%%%%%%%%%%%%%%%%%%%%%%%%%%%%%%%%%%%%%%=
أمنية تمنيتها وتحققت:=
ليلة زواجي كانت اغلى الاماني= يالله في العقبى زواج الجناني
%%%%%%%%%%%%%%%%%%%%%%%%%%%%%%%%%%%%%%%%%=
أمنية تمنيتها ولم تتحقق :=
بيتٍ يضمّ اهلي و نفسي ومالي=قبل المنايا ما تفرقّ بالاحباب
%%%%%%%%%%%%%%%%%%%%%%%%%%%%%%%%%%%%%%%%=
خبر فرحت بسماعه :=
يوم ٍ تخرّجت وتعيّنت رسمي=فرحة أسطرها وشي ٍ خيالي
%%%%%%%%%%%%%%%%%%%%%%%%%%%%%%%%%%%%%%=
خبر حزنت بسماعه :=
يوم ٍ توفّى والدي ليل الاحزان=طرق فؤادي واستحلّه منازل
%%%%%%%%%%%%%%%%%%%%%%%%%%%%%%%%%%%%=
أجمل هدية حصلت عليها:=
كل الهدايا في عيوني جميلة=والاجمل اكفوفٍ نديّه هدتني
%%%%%%%%%%%%%%%%%%%%%%%%%%%%%%%%%%%%=
ماذا تحب بالدنيا :=
حبٍ بليّا مصلحة حبّ صافي=يبقى ويصمد ما تغيّرْه الأيّام
%%%%%%%%%%%%%%%%%%%%%%%%%%%%%%%%%%%%=
ماذا يحزنك : =
من فارق الدنيا وهو نور عيني=والعين ويش هي فايدتها بلا نور
%%%%%%%%%%%%%%%%%%%%%%%%%%%%%%%%%%%%%=
ما اجمل اسم من الأناث: =
(غلا )غلا أنتي الغلا=حبّّك في قلبي قد سما
بنيّتي يا مهجتي =يا غيث ودٍّ قد هما
%%%%%%%%%%%%%%%%%%%%%%%%%%%%%%%%%%%%%%%=
ماأجمل اسم من الذكور: =
(فارس)إلى من سار في كلّ عَدّهْ=حطّه على يمناك وانسى الهمومي
%%%%%%%%%%%%%%%%%%%%%%%%%%%%%%%%%%%%%=
لونك المفضل:=
اللون الابيض منوتي سِيْد الالوان=يضرب به الامثال في كل زيني
%%%%%%%%%%%%%%%%%%%%%%%%%%%%%%%%%%%=
اجمل شهور السنة:=
رمضانُ يا شهرْ الفضائل ِ جئتنا=بالخير ِ والإمان ِوالإحسان ِ
%%%%%%%%%%%%%%%%%%%%%%%%%%%%%%%%%%%=
اجمل فصول السنة: =
يا جعلْ أيامي و أيّامك ربيع=يا الغالي اللي ساكن ٍ في مهجتي
%%%%%%%%%%%%%%%%%%%%%%%%%%%%%%%%%%%=
مااجمل مراحل عمرك:=
براءتي وانا بسنّ الطفولة=لاهمّ سقها يا فتى كيف ما جات
%%%%%%%%%%%%%%%%%%%%%%%%%%%%%%%%%%%%=
أين نجد أسرارك: =
في بير ما له قعر يا كم من اسرار= رميتها و دوّرت لكنّ ضاعت
%%%%%%%%%%%%%%%%%%%%%%%%%%%%%%%%%%%=
لمن تشكي همومك:=
وانا جعلت الله وذكره لى احزام=أشدّ به أزري وهو لي كفاية
كريم يكفيني عن الخلق ما ضام=واللي نزل بي من ظروف وبلايه
%%%%%%%%%%%%%%%%%%%%%%%%%%%%%%%%%%=
نصيحة:=
كل النصايح تجمل ابخاف ربّك=أدّ الأوامرْ وابعد اعْن النواهيْ