آسـف ثــلاث حــروف ماتــنفع بشـــي
لــو أعــتذر مـارجعــك طول عـــذري

أدري خذلــتك وانكسر داخــلك ضــي
وكــل مالمحت مرايــتك شفت غـدري

مخطي وإذا جيــت أطلـبك مغفرة عي
لا تقــول في نفسـك نسى أو مــايـدري

دايــــمٍ تسامحـــني وأنا مسـرف بــغي
أذكـــرك لكن بعض الأخطاء تـغــري

ماكـــنت أصدق أفـــقدك وأنت بيــدي
كنت أتصور عمرك إن عـاش عمري

كنــت أحســـبك مــني أو أنــك بعد لي
مثل النــفس تطـلع وتــرجع لصــدري

مــاكان يعنيني العــطش وأســال المي
وشلـون أنــا أظمأ والعنب تحت أمري

علمتـــني أنـــك معـــي بس أنـــا حي
وعلمتــك أنـــك كنـــت ماكنت تطري

أقـــرب مثال لشيمــــتك حـــاتم الطي
يا مــا زرعت الــنور وأسقيت فـجري

تسرقــني من نفسي وتـــاخذني شـوي
ويفــوح عطرك داخل أبيـــات شعري

عنـــدي قنــــاعة انت مالـــك أبد زي
بس الـــزمن مـــاهو زمن حب عذري

وآســف ثـــــلاث حروف ماتنفع بشي
أدري ولكــــن طيبة القـــــــلب عذري