عسى المطر يسقي دروب المحبين
اهل النفوس الطاهرات العفيفه
اهل الهوى والعشق مثل المساكين
مايملكون الا القلوب الرهيفه
يقضون ليل الشوق مثل المجانين
وكلٍ يلاقي في خياله وليفه
وأنا وقعت بحب مكحوله العين
وأصبحت شاعر لجل عين الشريفه
توي صغير وتوها بـأول الزين
وتو الهوى ماعشت برده وصيفه
قضيت أنا وياه بالحب عامين
نمشي على الدنيا بكيفي وكيفه
لكن فرحنا للعواذل خبر شين
وقلوبهم ماهي علينا نظيفه
من بعد ما كنا على اللطف واللين
صار الجفا من عند ذيك اللطيفه
واللي سعى بالهجر مابين اثنين
قلبه مريض وكود نفسه ضعيفه
راحت ولا له في حياتي عناوين
عنوانه الذكرى وسلواي طيفه
ياللي تلوم اللي نده للمقفين
قلبك حجر وإن شفت عينك كفيفه
واللي نشدني ياولد تشتغل وين
كنٌه قطع معلاق قلبي بسيفه
جاوبت أنا عاطل ومغرقني الدين
والوقت يخدعني بكذبه وزيفه
ضيعٌت أنا بالجامعه خمسة سنين
واليوم حب صويحبي لي وظيفه
م/ن