وداعــة الله مابـقـى للـغـلا روح
وش حيلتي والعشـق ينـزف وريـده
سامح حبيبك وانت معفـي ومسمـوح
لكـن طلبتـك تسمـع اخـر قصيـده
قصيدة(ن) خذها على شيـك مفتـوح
من واحد(ن) ماقد نشد عـن رصيـده
فقيـر مـال ولكـن انـه [ غنـي روح ]
ويملـك مفاتيـح الحـيـاه السعـيـده
لـو ان قلبـه لاخفـق كلـه جـروح
ولاهو من اصحـاب القلـوب البليـده
يحزن لحزن النـاس ويسـج وينـوح
ويفرح لكل النـاس لـو هـي بعيـده
ومن منطلق سـر العلاقـات والبـوح
بعلمـك شـي(ن) عسـى تستفـيـده
يمكن تمرك ساعـة الضيـق وتـروح
وتقـول عـدت والليـالـي مـديـده
وانا افسـر ضيقـة فراقـك مـزوح
هـذي سنـه والعلـم عييـت اصيـده
عقبك قصيدي يسجعـه نايـح الـدوح
وعقبـك تـرى ماللشرايـد شـريـده
وعقبك لو اخفي ضيقة الصدر مفضوح
كلـه لعيـنـك يالمـهـاة الفـريـده
مضرم عليك ودلـة وصالـك تفـوح
فـي جنبهـا جمـر وتحتهـا وقيـده
والحين تبغى الوصل والا تبـا تـروح
بعد سمعـت اغلـى واخـر قصيـده