سلام ياوجه مسافر ولازال
جرح يد النسيان عجزت تطوله
في داخلي حلم وبراءة وترحال
وغزو تطارد بالاماني خيوله
ياوجه جيت بدفتر العمر تختال
وفي نظرتك دمعة رحيل مغزولة
رجعتني ستة عشر جرح وانهال
رمل الخفا وادمن عيوني تلوله
للقرية اللي لابسه مخنق اجبال
وثوب من الحنطةويحشمك طوله
للعيد لامي صغت الاشواق موال
للمنبت اللي ما تخونك فصوله
ياوجه كنت الرجل ما بين الاطفال
تحكي لهم سر السفر والرجوله
واليوم اعيش الطفل والباقي رجال
اكتب لهم حب اغنيات الطفولة
دربي حديث الازمنة واطرد الفال
وبعض الهروب اللي قبلته عموله