من الارشيف وبدون مقدمات

ابدا بذكر الله قوي العزومــــــي
رب دبيـب النمـل مـاهـوب خافـيـه
ياحمـد تـحـزم وانتـبـه للهجـومـي
واعـرف عـدوك قبـل منتـه تعاديـه
خلـك مـع المطلـق وكـب الرخومـي
ترى الخوي مثل الخوي كل ما فيـه
احدٍ ليـا مـن غـاب فـي عـد قومـي
واحد غيابـه مأنحسـب مثـل راعيـه
واحــدٍ لـيـا مـنـه تكـلـم نـدومــي
واحـد كـلامـه وافــيٍ مــا نوفـيـه
واحــد خيـالـه واصــلٍ للنجـومـي
واحـد خيالـه طايـحٍ تحـت رجلـيـه
واحد كريـمٍ مـا ذخـر قـوت يومـي
واحد يشوف الضيف والبخل شاويه
ياولـد عمـي نسـل قـرم القـرومـي
يا شبل من ذاك الاسد مـن يواسيـه
عمي حسـن يـوم الشكالـه تزومـي
تقـوم لــه هيـبـه وتـذكـر مبـاديـه
يـا عـم انـا كـفـك نـهـار اللـزومـي
لا صار كلن يعتزي في بنـي خيـه
ويا شاعـرٍ شعـرك يـدك الرجومـي
وكنه المطر لا جاء على النبت يسقيه
ياعـم انـا بآشكـي وهـذي علومـي
علـوم منهـو سـيـد الـزيـن كـاويـه
مـن جـادل يـوم الملاقـى تـرومـي
مثـل القمـر ليـلـه تمـامـه مـواريـه
لا جات وسط القـوم كلـن يقومـي
سبحان ربٍ كامل الوصـف معطيـه
لا سلهـم بعينـه يـزيـد الهمـومـي
ويالله عـلـى عيـنـه ويالله تخلـيـه
وشعرٍ ليـا مـن فـل فـوق الهدومـي
يطيـر لـه قلبـي ومـن دون تنبـيـه
والخد لاحلف خالي مـن الشحومـي
مـورد مثـل الـزهـر تـحـت عينـيـه
والخشم ماهو مثل ذيـك الخشومـي
السيف مثله واخـذ مالزيـن تشبيـه
والخـصـر عــودٍ زايــدٍ فالنعـومـي
مالـه شبـه وسـط الصبايـا يحاليـه
لا طل طاح الصقـر يومـه يحومـي
وانا اشهد ان الصقـر متعـذب فيـه
وش حيلة اللي من بعهده امحرومي
وش حيلتـي يـا عـم واقــول لبـيـه
افديـه بعيـونـي ولــو قــل نـومـي
وارخـص لـه الدنيـا بدينـار وجنيـه

وسلامتكم

محمد بن زايد
آزرق العود