تدري علامي يوم سيّرت فكري = ترها حلومٍ واشهد انها حقيقة
الله يا كم من كلامٍ بصدري = مكنوز لك والشوق صاير حريقة
أنا أعرف إنك تحتريني انا أدري = وتأكد إني لك على أية طريقة
ما كان لك فيني صدودٍ وهجري = صدقني انت اللي غزاني بريقه
أكثر مقاويني على البعد صبري = والقلب صدّر لك ولأجلك وثيقة
ياكثرها اللحظات من وقت بدري = ترسم ترانيمك وكانت عريقة
ساعات تاخذني التفاكير تسري = لين النّـفس بالصدر يصبح شهيقه
كل الأماني لك على طول عمري = تجبر غلاها لك جروحٍ عميقة