لحظه وطن..! مادامك اليوم مهجور

............ بآمنّي المنفى ....\ وِ أنفي الأماني...!
.
طاحت من اكتاف التعب [ اربع شهور ]
............وصاحت من اتعاب الكتوف .. \ السواني..!
.
وصار الحزن شباك ..والصمت ديكور
.............وبْكاي .. [ ترتيلة مطر ] .. للمواني..!
.
والدمع شمع.. ومعظم احيان [ بلّور ]
............يتمرجح اهدابي.... ليا من بكاني..!
.
كلْ ماأغني يختنق [ صوت عصفور]
...........وكلْ ماسكتّ .. تْموت فيني [ أغاني ] ..!
.
وكلْ مامكاني يجْفِيَ [ اصابع النور ]
...........أشعل اصابيعي .. وِ أجفى مكاني..!
.
ومن كثْر مانا [ طاغيه ].. حسّ وشعور
.............مابي هلي يدرون ... اني أعاااني..!
.
أطلع ابَرْوز [ ضيقتي ] فآخر السور
...........إيلين تبكيني ... السكك والمباني..!
.
وارجع و ِألقى ياوطن.. ضيق منثور
..........إسمع... ولا تنثر دموعك ..عشاني
.
طفْلَتْك ماتملك سوى .. [ حلْم محصور]
..........و[ شويّة العاب ] ... \ وحكايا مواني ..!
.
تحْضِر غياب وتلْتحف..:غيبة حضور
...........ينسونها ... وتقول : محد ٍنساني..!
.
وعلى كثر مابلّل اطرافها ... [ النور]
..........تفرد أصابعها .. وِ [تطفى ] معاني ..!
.
وعلى كثر ماتترك الصبح [ ممطور]
..........تذبل ... لأن الصبح دايـم .. [ أناني ]
.
مامات من [ برد الصباحات ] .. عصفور
..........بس هيّ [ ماااتت ] .. من كثِر ماتعاني ..!

|


مماراق لى