الأزدية ألف شكر لك على موضوعك وصراحة لاتعتقدين إن كل موظف محترم للمكان اللي هو فيه لما يقول السفير قبل شوي والله لو أحد نفخ علي لأكلبشة شوف يالسفير مستحيل أحد ينفخ عليك الا اذا كنت مو مؤدي لعملك أنا رحت وسافرت وشفت بأم عيني والله يالعسكر اللي بالمطار أوسخ عباد الله وأنا أقولها وماظلمتهم يتوسطون لبعضهم في صعود الطائرة على حساب الناس اللي مسجلة إنتظار تشوفهم إذا كان اللي بيتعاملون معه جنس ناعم (بنت )والله تحصلهم يركضون ركضعشان يخدمونهم مرة كبير سن وحنا في مطار جدة يبي عربية يمشي فيها والله ماجابوها له إلا لما طلبتها بنته شفوا ياناس لايغرك موظف ترى ماهو مقدس والأجانب اللي يستهزئ بهم السفير والله إن البعض يؤدي عمله أحسن من السعودي بعض السعوديين ميجي الدوام الا الساعة 10 أو 10:30 ويجي ينفخ عليك متأخر وينفخ أنا أتمنى يالسفير تراجع لك معاملة في أي دائرة حكومية عندنا في الرياض والله إن تعرف حقيقة الموظفين السعوديين وأنا أعتذرإذا ظلمت أحد منهم بس كلنا سعوديين ولأحد يزعل من الصراحه إذا ما أحد قال لنا الصراحة راح يجي يوم نحس فيها تحياتيلكم جميعا وبالأخص الأزدية والسفير
|