أضحك مع غيري وأنا أنسان مهموم
أضحك وأجامل والزمـن مبتلينـي
دايم أقـول أنـه مقـدر ومقسـوم
يالله عسـى كـل الليالـي تزينـي
معلوم لو صديـت يازيـن معلـوم
صديت عنـي وأدري أنـك تبينـي
ياللي حرمت العين من لـذة النـوم
وش عاد أسوي كـان ماترحمينـي
الله على الظالم لا صـرت مظلـوم
والله مع المظلـوم يانـور عينـي
كني سجين وداخل السجن محـروم
راحت حياته في زمانـه سجينـي
حبك على قلبي موثـق ومرسـوم
مرسوم أميري بين قلبـك وبينـي
تكفى مدام أنـك مقـدر ومحشـوم
خلك معاي وخـل عقلـك رزينـي
لاتنخدع في هرجة العـام واليـوم
وتصير غادي وأنت طبعك فطينـي
خذها عهد لاصرت فاهم ومفهـوم
أجيك لـو أنـك تكاسـل تجينـي