[QUOTE=أبو مانع;728794]/أول سفرة كانت..متى؟....إلى؟
أول سفره كانت من الديره إلى الرياض قبل عشر سنوات من الحين بالنقل الجماعي
2/أطول سفرة كانت لمدة....؟
هذه صراحه يبغالها شرح وكل ما أتذكرها يجيني فحس في قلبي وفي نفس الوقت
أضحك من الأحداث الدراماتيكيه اللي صارت في ذاك السفره
لأني ماقد شفت أحد سافر من الديره إلى الرياض في ثلاثه أيام
أفلحت من الديره يوم الخميس في العصر وطفيت السياره على طريق رنيه باقي حوالي 45 كيلو
طبعاً اتصلت بأمن الطرق أكتشفت إن مافيه من الديره إلى طريق الرياض غير مراكز شرطه أتصلت عليهم
واعطوني أرقام سطحات وجاني بعد ما كرهت نفسي في غبار ورياح وهوى والسياره بطرف الطريق يعني حاله صعبه
بما تعنيه الكلمه ..!
أنتظرت السطحه إلى أن وصل قعد ما يقارب ساعه ووصل ومارضي يوصلها رنيه إلا 400 ريال 45 كيلو
استغلال بمعنى الكلمه لكن الحاجه عيت إلا علم البنقالي بغيت أدبغه من فحس بقلبي
قلت له يودي السياره رنيه على إني بلاقي البسامي ولا أي شركة نقليات طلع مافيه نقليات
يوم وصلت قلت والخرمه طيب مافيها بسامي قال مافيه إلا في بيشه فكرت فكرت فكرت مانفع التفكير
قلت يوصلها الرياض قال بيأخذ 1000 ريال قلت والله ماتاخذها بس كم بتوصلها بيشه قال 400 ريال <<<شايفين حوالي 150 كيلو او اكثر بنفس سعر 45 كيلو <<قمة التعارض في الاسعار
المهم انه ماهو راضي يطلع إلا بورقه من المرور <<<هنا قصه ثانيه تبدأ الاحداث
طلعنا على المرور ودخلت القسم وادخل إلا المعاملات وأوراق العالم في السيب في كراتين منطول بها
وافتح غرفة هناك إلا العسكر متبطحين ونايمين
المهم قلت يمكن اني دخلت مكان بالغلط ولا شي
طلعت من المبنى والقى مبنى بجنبهم حق الشرطه قلت ياخوي المرور مافيه احد دخلت والعسكر نايمين
قال تعال تعال اثاريهم طلعوا قاعدين في جلسه خلف المبنى ويعلمهم اني دخلت المبنى قوموا الدنيا وقعدوها
فكرهم اني استرقت عليهم شي من هناك عطلوني الى الساعه 10 في الليل وبعد عناء شديد اعطوني الورقه
ومشيت انا والقلق اللي معي على بيشه على اساس اني بصلحها وبمشي عليها وصلت متأخر وحلفت ما اعطيه إلا 200 ريال
عشان الكذاب حقه الكذاب نزل السياره يوم وصلت بيشه عند الورش حقتهم وطلعت أستأجرت في مكان هناك بمبلغ وقدره
ويوم صحيت اليوم الثاني الجمعه صليت الجمعه وقلت بروح الورش اشوف الوضع طلعت مقفله مافيه احد يوم الجمعه
قالوا مامعك إلا السبت خليتهم وافلحت على البسامي وقلت كم بتشحنون السياره قالوا 800 ريال لأنها خربانه ماتشتغل
يمين يسار والله ما معي فكه من علمهم وابغى اطلع الرياض قبل الوقت داهمني المهم إني وقتها ماعاد معي ريال وأتصل على
واحد أجوي وماقصر حولها لي وشحنتها وقالوا بتوصل بعد 14 يوم افلحت ولاعاد دورت عليها
وطلعت المطار سجلت انتظار على رحله الساعه6 المغرب ويا سوء الحظ إلى قالوا ياشين حظك
ركبوا اللي قبلي في الانتظار وقفلت عليه آخر وااحد في الانتظار يعني مع السلامه مافيه طيران
هنا في الحاله هذه انفقع قلبي بزياده وضاق صدري وقلت يالله يمكن خيره وخليتهم وأفلحت
وقلت الكدادين حقين السيارات يسرعون وأنا باقي ودي بعمري ما بفلح معهم وطلعت محطة النقل الجماعي
وسويت تذكره وركبت النقل الجماعي وتبدأ أحداث قصه جديده قصتي مع الزول سواق النقل الجماعي
يمشي على بيض وإذا دخن أحد من الشباب اللي راكبين في النقل الجماعي وقف وقاال اللي دااااير يدخن ياشباب ينزل يدخن
ويخلص وبعدين نمشي ونكمل الطريق <<<<سوداني كسول يبغى يريح ولقى له مخرج يتعذر به
آآآآه منك ياذاك الزول لو معي قنبله كان فجرتها في رأسه ذاك اليوم وعلى الموال هذا إلى إن وصلنا الرياض
وعليكم الحساب من الساعه 7 المغرب إلى الساعه 8 الصباح يوم السبت
يا فرحتي بعمري وعلى المغسله أخذت ملابسي يوم وصلت وعلى العمل إلى الظهر
وبعدها رجعت البيت ولا تسألون نووووومه مليئه بالحزن والزعل والتعب والقهر وكل منغصات الحياه
وأنتهت سفريه طوويله مالها مثيل في العااالم ...!
العلم اللي ملحه فيه الأوله دائماً يمدحونها يعني على قولهم الأوله مقوله لا تردون علم وتقولون إن علمكم هو الصح
لا تتعاملون مع السودانيين في شي في حياتكم
لا تسافرون على البر بسياره مالها قطع غيار في الديره متوفره
سوو لكم حجز ولو ما طلعتوا عليه للإحتياااط والأمان
ونصيحه النقل الجماعي لاتركبون فيه ولو كان ماعاد معكم إلا هو في الدنيا
والنصيحه الأهم الدراهم لاتبخلون على أعماركم في المواقف الصعبه أهم شي تطلعون أنفسكم مهما كلف الأمر
وبدل الدراهم دراهم ..3/
اشكرك بعنف أبو مانع على هذا السلوب في الطرح ..............وبصراحة .والله إني قعدت اضحك لحالي إلين دمعت عيوني لاني فعلا حسيت بالمعاناه ...لانه صارلي مثل هالموقف ...خاصه يوم الجمعة ,,,,,ودخولك على المرور .... والنقل الجماعي ................الحقيقة أبدعت ..تمنياتي لك بالتوفيق............ وتقبل اصدق تحياتي
|