جتني تشكّى من عنـا الدهـر فيهـا
جتني تقول جروحها ألوان وأشكال
جتني وأنا قلبـي حزيـن عليهـا
جتني وأشوف بعينهـا كـل غربـال
قامت تلعثـم واختلـط مـع حكيهـا
نغمة حزن أضفت على الصوت موّال
ظلم الدهر(شـنّ)المعـارك عليهـا
كن البنية مهـرة ٍ والظلـم خيّـال
لحظـة تأمّـل وقفتـنـي بين ايديـهـا
(ضمّيتها)وقامت تشاهق كالأطفال
(عانقتهـا)ودموعـهـا تنتشيـهـا
وفتحت أنا قلبي لجل تشكـي الحـال
فجأة لقيـت العيـن تنظـر إليهـا
شاهدت أنا منظر يليّـن لـه جبـال
شفـت الغـراق بعينهـا يحتويـهـا
شفت الكحل أختلط مع دموعها وسال
فزّيـت أنا فـزّت شجـاع ٍ يبيهـا
حبي لها(قد كـان يبقـى ولازال)
هاتـي همومـك حمّلينـي أبيـهـا
أبغـى أشيـل الهـم والهـم ينشـال
أبغـى أكـون بدنيـتـك مهتويـهـا
هاتي يدينك وانسـي القيـل والقـال
إنتي حياتي .. لا .. حياتـي مابيهـا
إلا و إنتي بوسطها في كـل الأحوال
وان كان قصـدك دنيتـك اتركيها
خليني اسرح في سما الحب واختـال
يالله تعالـي وبسمـتـك افرديها
إمـا نفعتـك وإلا مانيـب رجــال
وكـل الهمـوم السابقـه أنكريـهـا
واعترفي بشي ٍ وحيـد ٍ لـك لحـال
بمسح دموع ضيقتـك ارفعيها
وجازي ليال الظلم والظلـم بإهمال
والله تـرا الدنيـا حقيـره وفيـهـا
فيها الكريم وبسطهـا كـل الأنذال
حطيت أنا يـدّي بممسـك يديهـا
وأبحرت أنا والغاليه ببحـور الآمال
|