الموت حق وكل مخلوق بيموت
وردٍ على كل البشر يشربونه
وين الذي عمّر عمارات وبيوت
وين الذي معه الخدم يخدمونه
يابو فهد كلن رقد وسط تابوت
يرجع لاصله في الثرى يدفنونه
اغنم زمانك قبل لايفوتك الفوت
القبر ضيق شفتهم يحفرونه
يجيك منكر ينشدك وانت مبهوت
وين الخراج وكل شئ يعرفونه
يالله دخيلك عافني دام به صوت
لاصرت انا اللي عالخشب يحملونه
صلى الامام وشلني بوي بسكوت
فوق الكتوف وصار يمشي بهونه
للمقبره رحنا ومن حولي صموت
وانا انتظر علمٍ وهم يجهلونه
ردوا تراب الارض فوقي ومحتوت
واقفوا وخلوني بليا معونه
اصيح وحدي ياعرب صوت مكبوت
يابوي لاتترك ولدك بمهونه
يارب يامنجي نبيك من الحوت
ارفق بحالي فأنت من يطلبونه
لاصار ثوبي خرقةٍ بعد لبشوت
فالرب واحد يرحم عباد كونه
المهلهل..
|