أنا من يبيني والله إني لأجي لرضاه=ومن باعني (والله )أنا قبل لا أعاااافه
مادام إن بعض الناس متقلب(ن)مسماه=وبعض البشر بالحيل كم نحسب إشرافه
خويي هو إللي دايم(ن)وافي(ن)معناه=خلافه فلا اعده ولا اعتبره إلا أفه!
ولي بالرجل إن لازم الصدق لازمناه=ولا نشحذ الخوه من إنسان بعنافه
ومنهو عسل في رفقة! بالسمن زدناه=ولاني من اللي رفقته قشط وكنافه
رجال نقدرهم وفي شوفهم ملقاه=أخير(ن)من اللي مالهم بالخوي رافه
ومن لا يقدر من يقدره ماشفناه=ولاحن بحاجة من يوشوش بشي تاافه
نعاف الحقود اللي ينافق وكم عفناه=ولا ضنتي في يوم ياتي ولا نعافه
ومنهو يماشي للمصالح ابي فرقاه=ولا ماشي إللي بالمصالح يبي إلطافه
زماني وعلمني ولايمكن إني انساه=دروس الزمن تعطي لقلبي حلى اهدافه
يموت الضمير إن كان ما بألامل مجناه!=وتبقى الاماني دون الايام خطافه
أنا ماقهرني غير منهو يمد إخطاه=ولا في يده معروف والشر به زافه
زبون المراجل نعرفه وإنعرف ملفاه=ولا اغيره احسب للمراجل تونافه
ختام الحكي والشعر وإللي يبي مغناه=بهاذا الزمن لاتحسب إللي له إخرافه
كثير الخُراف ومعظم الشعر ما أشناه=وياحظ شاعر يجني الشعر بإعرافه