(ياقلب لاتحزن)


يا قلب لا تحزن .. و لو طال ممشاي
خاو الصبر ولا التعب طبع دربي
وش بك تحسب خطاي يا حادي خطاي
الذنب ذنبك و اصبح الكرب كربي
لو عشّمك بالمجد و اهدا لك الراي
الهاجس اللي مل طرحي و ضربي
لا تاخذك وردية احلام دنياي
يكفيني اللي لمّني و انتثر بي
و الى سرى ليلك مع راعي الناي
الجرح غطّه كل ما هب غربي
كلها عشان اذن ٍ شفوقه لشكواي
و عيون حساد ٍ تلد النظر بي
ادنيت يمّي قاصي ٍ همّه رضاي
و ابعدت عني داني ٍ هان قربي
اضمى ولا ارجي حاسدي شربة الماي
لا قرّب الله من يد النذل شربي
حرام اعيش .. و لو شفع طيب مجناي
انا ما جعلت ادنى العرب تفتخر بي
يا قلب توعدني بالامجاد يمناي
و يلوي ذراعي وقتي اللي غدر بي
و ان راعتك ظلما على سكّة مناي
قلت لقدم رجلي بلا قلب سر بي


.