يا ابو فهد
عندنا ناس يعتبرون الخدم عبيد ومما مكلت ايمانهم
اكلهم من البقايا وملابسهم مما عافه الابناء والبنات والتعامل معهم لايقل عن التعامل مع الكلاب اكرمكم الله
ويستغربون اذا طالب العامل بحقه وكأنه جاء من بلده علشان سواد عيوننا
الخدامات تصير لهم حالات قمه في الماساويه ولا احد داري عنهم
كم مره اشوف في اماكن العاب الاطفال مثلا خدامه معها كم طفل كل واحد منهم يهد بلد من كثر العفرته وموكلين عليهم الشغاله
تشوفها تسحب واحد شويه وتشيل الثاني وتطارد الثالث واللي يسبها واللي يضربها ومامعها احد ينتبه لهم
ليه لان المدلام تفرفر في المول والاولاد يلعبون
واذا جا وقت الاكل حطت لهم هابي ميل وخلتهم مع الخدامه تأكل ذا وتمسح لذاك وتشيل ذا وترجع اللي راح
واخرتها تقعد بلا اكل او اذا المدام رحومه تعطيها من اللي بقي من اكلها هي وصديقاتها
ومايبغون احد ياخذ عنا فكره سيئه ؟
الرسول عليه الصلاة والسلام يقول مامعناه : اعطوا الاجير اجره قبل ان يجف عرقه .
طالما انه عمل لنا فالواجب ان نعطيه حقه بصرف النظر عن كونه شخص يستحق اولا .
|