ياهيه [التفت] لي واسمع [دعاي] لك يا هيه

ترى [عادك] بتشبع من [البعد] وتواجه

دعيتك [بصوتاً] ياصلك [ليه] ما توعيه

وأنا اسمع [ضلوعك] من صدى [الصوت] لجاجه

عليك [الفؤاد] أخلاجه [مصمخاً] راعيه

خاف [الله] في راعيه ما [تسمع] خلاجه

ترى [العفو] قد جاك اوله [واغتنم] تاليه

وترى [الحلم] بحراً غير لا [تامن] امواجه

وترى [الود] ليلٍ [مظلماً] جيت لك ساريه

سراجه [وصالك] والجفا [ينفخ] سراجه

وترى [قصرنا] اللي كم سنه [نجمع] ونبنيه

هوى [العدل] طيح بابه [العود] وسياجه

لي ايام [مدري] وين [دارك] ولا ادري ليه

وانا [خابر] اني باب [شفك] ومزلاجه

غياباً بلا [سبه] هجاداً بلا [تنبيه]

وجفا اغلا [العرب] ناراً على [الكبد] وهاجه

نضج [قلبي] من البعد وش [حاجتك] تكويه

جفاك [الجمر] والصبر في [بعدك] الصاجه

وطبع [حبك] بقلبي [والايام] ما تمحيه

هذا [هجرك] يحاول [يموجه] ولا ماجه

يموت [الأمل] لكن ظنون [الغلا] تحييه

وعروق [الوفاء] في الروح [والقلب] وجاجه

خبرتوا حدٍ [يبكي] على واحدٍ [يِبكيه]؟؟!!

وخبرتوا حدٍ [مسجون] ما يبغي [إفراجه]؟؟!!

[أحبه] ولا أبغضته على شيٍ يسويه

ولا زالت رقاب [الرجا] فيه منعاجه

عسى [منزلٍ ضمه] حقوق الوسم تسقيه

[وتضحك] له الدنيا وهو [يضحك] حجاجه

فقد خاطري شي من [الضيقة] مسليه

وغدت [روحي] من الناس والليل هجاجه

أروح لمكانٍ خابره .. [خابره ياتيه]

أسوق القدم [صوبه] وهي مالها [حاجه]

مكانٍ [نزيه] وأول [مواجهي] له فيه

وأنا خابرٍ ما رجل مثله [بدواجه]

[لعل وعسى] ما حدني للمجي يدعيه

[وأشوفه] وأنا ما ودي أسبب [إحراجه]

يحب [الجريح] آخر دروب اللقى ويجيه

وتحب [القدم] جية مكان أول [مواجه]



ـــــــــــــــــــــــــ ـــــ


محمد بن فطيس المري