السما تبكي قهرها والفضا ضاقت ركونه
يلعن اوقات الموادع؟؟ تذبح العمر وسنينه ..
كيف اعيش اللي بقالي دون طلة عيونه
فرحتي من يحتريها ..وداخلي الله يعينه ..
والشعور اللي سكني كان رب الكون عونه
يكفي سّلمته شعوري واعتبرته والدينه ..
قلت له سمّه بكيفك وإعتني بكامل شؤونه
كيف افرط في حبيبي وارضى يتركني حزينه ..
كيف ودّع قلبي اللي ما رضى انه يخونه..
البلا اني رضيت وكلمة المسلم تدينه ..
ولو يعوّد بي زماني .. ما رضى قلبي جنونه
هالشقا والدمع فيني ونبضة الخافق ونينه ..
اذبحوني في مكاني واعجزوا لا يوصلونه
من رحل عني وقلبي كنهم الا ذابحينه ..
يطعنونه يطعنونه يطعنونه يطعنونه
رجعوه لشوف عيني رجعوا ايدي في إيدينه ..
اااآه وينك يا عيوبه؟؟ غيرته !! كثرة ظنونه
قسوته لحظة زعلنا همسته لحظة حنينه..
رهبته حزة حضوره هيبته ضجة سكونه
ما حسبت اني رهينه لين خلاني رهينه ..
يوم ودعني عرفت إني انا ملك ٍ لكونه..
لو نكرت الحزن فيني ودي اظهر مستهينه ..
احرج احساسي عيوني وقال والله يعرفونه ..
الحزن بحري ودمعي مبحر فبحري سفينه ..
والشراع هموم صدري والشواطي يحترونه
طفلة ٍ تسكن شعوري ذاقت احساس الغبينه ..
التهت فيه بمواجع وانتهت بأقصى سجونه..
حدها جاحد زمنها بالسكاكين السنينه ..
فالقهر كانت تعاني والقهر مابه ليونه..
شابت بعز الطفوله ومالها احد ٍ تدينه ..
الامل مات بحشاها والمواجع يدفنونه
ما نطق الاحساس فيها الا مع طلة جبينه..
يوم اقبل من غيابه وعانق عيون ٍ يبونه..
الله حيها يا عيونه حي هالمشيه الرزينه ..
حي صوته حي زوله حي احساسه ولونه
من بعد ما ضاقت بعيني شوارع هالمدينه..
شوفوا الدنيا وسيعه شوفوا الدنيا عيونه..
