الله يمسيكم بالخير
صراحة انا كنت في مشوار كثير الغبار يشيب شعر الحمار
وزي ما منتو عارفين الحمار ما يشيب ولا يتغير شعرة ولا جلدة ويحتفظ بنظارتة وحيوية حتى لو كان عمرة 50 سنة
تدرون ليش عشان انه حمار
انا متأكد بعض الناس يتمنى انه حمار علشان هذه الميزات وخااااااصة الحريم
وما ادري ليش حنا دايم نسب الحمار
يعني وش فيه من عيوب
يقولون الحمار يعرف طريقة وذكي وصبور واذا عاند عاند
يقف زي الهضبة ما يتحرك حتى لو ضريته
شايفين كيف عند كلمته
يعني ينفذ اللي في راسة
ونقول حمار
قلولي انتوا بالله عليكم فيه احد عندة الميزة الأولى " يعرف طريقة" وماشي عليها 100%
خلوا بعد صبور وذكي وغيرها من المميزات السلوكية والجسمية
وبعدين الحمير ما هي زي بعض
فيه حمار حمار تحطه على يمناك
وفيه حمار حمار من جد
وتصدقون ياشباب لو ان الحمير تعرف طبايع البشر
زي النفاق والكذب والخداع والمراوغة وتعدد الأكلات والنوم والزعل والكآبة وغيرها كثير
كان الحمار يسب الحمار الثاني ويقول
ايه يا حمار منت بحمار انت رجال وبن ستين رجال
اوريك انا يابو رجيلة
صراحة انا مدري فين شطحت وكتبت وين وصلت
انا خايف بعضكم يستغل كلمتي فوق
فيقول شطح فنطح
والنطح ترى من خصائص البقر وخاصة الثيران
وبعدين اقولكم بعض من خصائص الثيران
حتى فيه ناس تقول في قصيدة عرضة
انحن الثيران وانت المجرنة
اعوذ بالله من الشيطان
وش جالس اسوي انا
شكلي رايق
نحمدووووووه
بااااااين بااااااااااي
|