لا يابو سعد وش حيلة اللي زاد همه هم
طريد الهواء عاشق وصيده زايد همه
نويت اعالج جروح قديمات وحال سقم
وقلت ابعد عن الديره وعن ظلمه وعن سقمه
على شاطي ميامي والقمر عالشط جنب اليم
تعب حالي سرق قلبي واحسب انا مني يمه
ظريف الطول صابتني سهامه ابذحاح السم
وانا اللي احتضر منه وفيه ومن بلاء سمه
اخبر ان البحر طب وعلاج وفضفضه مالغم
لكنك يا بحر غامض على العشاق كالغمه
قبل يومين في فيجاس كاني شايفه في حلم
خلص نومي لكنه يا صحيبي ما خلص حلمه
لمحته او لمسته او سمعته او كاني اشمه شم
سرق كل الحواس اللي بقت لي بعد ذالشمه
مشيت اسحب الخطوه وقلت اعطيه كل العلم
وصلت وضاعت علومي وانا اللي ضعت من علمه
فنادت يا محمد يا محمد وانا اللي اردد سم
يا زين اسمي على لسانه ويا محلاه هو وسمه
انا برتني سليلة مجد من خال وايضا عم
ولي عزوه ولي ناسٍ ولي خاله ولي عمه
وقالتها وهي تمشي وافهم يا فهيم افهم
تحسب اني صغير تداريبه على فهمه
فقلت اهلا وسهلا يا عديل الروح بك ونعم
ياجمل من خلق ربي ورب البيت والنعمه
اذا انتي للحسن مقياس ترى هذااساس ظلم
فانتي عايشه في النور وباقي الناس في ظلمه
فلدت لي وقالت لي بعد كمل وقل وسلم
فقلت ان السكوت ابلغ وكل شاعر وله سلمه
ترى فيك الغنج والزين معها الدلع ملتم
ولو تشر بيدينك تشوف الناس ملتمه
لكني يا نظر عيني ظروفي والاهل والدم
ودول عمرين ويش اغلى على الرجال من دمه
فمجبور على فراقك وتوديعك واعيشك حلم
مع انه قد خلص نومي لكنه ما خلص حلمه
آزرق العود ( محمد بن زايد )
❊ ميامي مدينه شاطئيه بالولايات المتحده الامريكيه
❊ فيجاس هي لاس فيجاس وهي ايضا بامريكا