مسائكم/صباحكم ورد حبيباتي ...وش اخباركم ؟ وش مسوين ! ان شالله كلكم تمام....!

نبدأ "بسم الله"...


س1..عرفينا عن نفسك وخاصه في الطبخ ؟
اممممممم ...بنت هاااديه احيانا وغالبا أحب الفله والروحه والجيه والفله ... تعتمدين علي بالمطبخ ولو اني ما احب اتحمل مسئوليته كثييير < يعني اذا تدبست فيه اسد في العلم
باختصار أكوس فتااه عرفتها بحياتي <إحلفي!

س2..وجبتك المفضله؟
احب الحلى بأنواعه..الصواني ...والسلطات...محشي الكرومب والكوسه

س3..طبق تحبين تسوينه كثير؟

احب اسوي الحلى << وابشركم ماهره فيه
امممممم وش بعد المكرونه والصواني ...احب اتفنن فيها...المحاااشي



س4..متى تعلمتي الطبخ؟

كانت بداياتي بثاني وثالث متوسط << وربك ستر اني بوقتهاما تهورت وطبخت بوجود ضيوف يعني عند العائله بس (حفاظا على الستر ومنعا للاحراج)

س5..موقف طريف صار معاك في المطبخ ؟

اوووه ياما صارتلي مواقف ........ بس الي اتذكره هههههههههه مره كان عندنا عزيمه وكانت جنبي وحده من اخواتي بالمطبخ وانا طلعت الحلى الي سويته فرحانه فيه وكان بصينيه دائريه الي تنفتح .... وكانت ماسكه بقووه مابغت تنفتح واضغط عليها بكل قوتي وانفتحت بعد عناء وشقاء (بس ياليتها ما انفتحت ) ناظرت بوجه اختي الا نص الحلى الي كان بالصينيه طاير على وجهها وشعرها << ليتني انسدحت وخليت القوه


س6..يعتمد عليك في الطبخ او لا؟

<<مثل ماذكرت سابقا ..اذا تدبست فيه ابشري بعزك يعتمد علي لكن انا ما احب شغل المطبخ كثيير خاصة غسيل المواعين <<مسببلي عقده بحياتي


س7..سوي طبخه وصوريها لنا؟إذا أمكن ليس إجباري!!!

ان شالله اذا فضيت باسوي وانزلكم الصوره...

س8..نصحيه توجهينها لطباخات بني عمرو ؟
مايحتاج اكيد كلهم فيهم الخير والبركه ...بس اقول للمبتدئات اكيد راح تخيييب معااكم كثير بس مع الصبر راح تصيب..<لا تتحطمون

س 9..هل تستخدمي الميكرو يف؟
نادرا احب الاكل يكون جديد وجاهز من الفرن عالسفره..

س 10..ما هو رأي أهلك و زوجك في طبخك ؟

ابشركم يمدحونه


س 11..ماهي نوعية الاواني التي تفضلين ان تطبخي بها؟

ماعندي مشاااكل اي شي....


س12..ماهي الأكلة التي تحبها عائلتك وأنتي لا تحبيها ؟
القرصااان ...كلهم يحبونه خاااصة الوالد "الله يطول بعمره" بس انا ما احب ابد الحمدلله عالنعمه

س13.. اول طبخه طبختيها ؟؟

اتوقع كبسه <<ليتكم ذقتوها


س14..كم مره احترقت الطبخه معاك ؟؟

كم مره بالضبط مادري بس مو كثييير...<<سنعه


س15.. اول كتاب طبخ اعتمدتي عليه ؟؟
"مطبخ حواء"<< اتوقع كذا اسمه

س16..مين قدوتك بالمطبخ ؟؟
أكيد الوالده "الله يحفظها "... وبعدها اخواتي الكباار

س17.. تحبي احد يساعدك بالطبخه ؟؟

لا ابدااااا... لاني احس الطبخه اذا تساعدو فيها اكثر من شخص تخررب وما احب احد يساعدني في الطبخ


س18.. اذا خربت عليك الطبخه ايش تسوين ؟؟ ترميها ولا تضطري تاكليها؟؟

للأسف ارميها ...



س 19 من اي مدينة انتي ؟؟

الرياض


س 20 وماهي الاطباق الشعبيه المشهوره في مدينتك؟؟؟

الجريش,,القرصاان,,الحنيني,,المطازيز,,المصابيب ...الخ


س 21وماهو الطبق الشعبي الذي ما زلت تطبخينه وتحبينه ؟؟؟

المرقوق من يد الوالده يمي يمي ... بس انا للحين ماسويته ان شالله اسويه قريب


س 22 اكتبى لنا طبق مفضل من اختيارك ... او من مواضيعك فضلا ؟
"كفتة البطاطس"


المقااادير:
3 حبات بطاطس مسلوق
عصير (نص ليمونه)
بقدونس مفروم
كزبره مفرومه
ملح +بهارات مشكله
فلفل اسود
جبنة كيري
بقسماط
زيت للقلي
جبنه سائله
علبة قشطه
جزر مبشور


الطريقه:
يزال قشر البطاطس ويبشر بالمبشره....ثم تضاااف اليه (الكزبره +الليمون+البهارات+الملح+الفلفل+البقدونس)
ويعجن باليد ثم يشكل على شكل دوواائر ويحشي بجبنة الكيري ويكور...ثم يدحرج في البقسماط....ويقلى في الزيت ويوضع في صحن التقديم...ثم جهزي في صحن جانبي 3ملاعق جبنة سائله و3 ملاعق من القشطه واخلطيها جيدا وضعي عليها الجزر المبشور ثم رشيها على كور البطاطس وزيني الطبق بالخس والليمون وبالصحه والعافيه ..<<أنا ثبت


س 23 متى كان دخولك ل((امنتدى بني عمر))و كيف تعرفتي على المنتدى ؟

13/12/2008
تعرفت عالمنتدى بحكم انو منتدى قبيلتي وكنت ادخله قبل ما اسجل فيه اتااابع اخبااار يماااعتي وعولي ...وكانو مسجلين فيه ناااس اعرفهم


س 24.. ما رأيك بــ الفكرة لقاء وحـــوار مــع ضيفة شرف نواعم ؟

ممتعه ومفيييده وتسلم ايااادي صاحبة الفكره عليها...


س25 مـــيـــن ترشحى بعدك او ممكن تختاري اللي بعدك ..

امممممم ..ارشح الأخت توليب


اعتذر عن التأخير ....لكم مني كل الود عزيزاتي

اختكم:"صعوود"

على فكره تراااكم معزوومين كلللللللللكم يوم الخميس عندي بأذوقكم طبخي الله يحييكم

آللًه يسَعِد شخص سآكِن بِي [ هنآ]

من بـ طيبِه ..

وآلآ ..بآحسًآسِه آلكبير ..

لآفُقِدتِه صرت فًآقِدنِي " آنـآ "

يعنِي ..!

مآسًوّى غِيآبِه فينِي خير ..!

آللِي قربِه ..شوق وآحلآم وهنآ ..

لو عطِيتِه | مآي عينِي | مو كثير ..!