قد الحروف
قد الحروف اللي في اسامي العاشقين بحبك
قد الثواني
والدقايق والسنين ،، بحبك
قد الهموم اللي في قلوب البشر
قد العيون اللي كحلها السهر
قد ما ليلي اشتكى من نار حبك ،،،
قد ما ليلي حكى عن طول بعدك
ليه القمر غالي عليا ؟؟
يمكن عشان في نوره وبعده في حاجه منك
ليه الشتاء ،،، في قلبي حزين ؟؟
يمكن عشان برضه بقساوته ،،، في حاجه منك
ليه السحاب بعشق بياضه ؟؟
يمكن عشان زي قلبي ،،، في قربي منك
ليه المطر ،، بيصعب عليا ؟؟
يمكن عشان يشبه دموعي ،،،، في بعدي عنك
ليه لما تبعد .... عن عنيا ،، بخاف عليك ،،، وبرضه منك
ليه لما اشوف في السماء نجوم كتير ،،، منها بغير ؟؟
يمكن عشان قد السماء وقد النجوم ،،، بحبك
|