//

تَرفه ولا تقبل المقدمآت لكم هي



من تفاصيل السنيـن , ووجـه الايـام الرمـادي
من ضياع الحب , مـن دمعـة اغانيـه وحنينـه





من ظلام الدرب في عيني ومـن طولـة سهـادي
من مشاوير الوجع من (الرياض) الى (المدينة)






جيت لك قلبٍ من احزانـه رحـل خلفـك ينـادي
مـن ضياعـه يحسبنـك قبـل ينـده تسمعينـه







جاك من غربة هـواه يقـول : جيتـك ( يابـلادي )
ليـه خليتيـه فالغربـه ؟ .. وضيعتـي سنينـه





غاديـه مثـل الوفـا والله رزقـك بقلـب غـادي
خاينـه ماتستحقيـن الحزيـن ودمــع عيـنـه




ضايعه مثلي , مثـل عمـري واغـراك التمـادي
ماعرفتـي تحفظيـن اغلـى امانـه يـا أميـنـه





من ملك قلبٍ مثـل قلبـك يمـر ( الحـزن ) عـادي
مايفـرحـه الشـعـور ,, ولاتبكـيـه الغبيـنـه




روحي لـدربٍ يضيّعـك ويشيلـك مـن فـؤادي
دوري عن وجهٍ ان خـان الزمـن بـك تلبسينـه





سافري خلف الزمن عني .. وعن صـادق ودادي
ياخسارة عمري اللي ضاع .. مدري بـس وينـه





في امان الجـرح .. ياجرحـي وياسبـة بعـادي
مابقـى للصـدق فـي وجهـك مكـانٍ (تسترينـه )




انتهت رحلة هوانا .. غن حزني يا ( عبـادي )
( كانت الرحله حزينه ... كانت الرحله حزينـه )
( كانت الرحله حزينه ... كانت الرحله حزينـه)
( كانت الرحله حزينه ... كانت الرحله حزينـه )





راقت لي واتمنى ترتقي لذائقتكم