احيانا اتمنى لو يرجع بي الزمان واعيش معهم
اقوم الصباح واتعب واكد واشتغل اجي البيت اكل خبز وشاهي واذا حالفنا الحظ لقينا سمن ولا لبن
اكيد بعد التعب بتلذذ بطعمها واحس انها تسوى ذبيحه
يا اخي والله اليوم ما خلينا اكل ايطالي ولا هندي ولا مكسيكي الا وجربناه وللاسف ما نحس بلذته
الملابس خرقه ولا ثوب وغيارين لكل شخص لكن برضو كانت عندهم تسوى احسن الماركات واليوم لو بعنا الولد ماجب قيمة التيشيرت اللي من ارماني ولا ديزل
يعني بعض الشباب اليوم ما نستاكل به من هنيه الى الباب
لا كان عندهم تلوث ولا امراض خطيره زي اليوم لا يعرفون صابون ولا معقمات وماشاء الله كانو بيتفقعون من العافيه
الدنيا كانت امطار ونعمه وخير وخضره وشوف منظرها الحين يابسه تروع
الناس كانت بسيطه اذا جاهم ضيف حطوله شاهي وخبزه بكل بساطه
الحين روح شوف الذبايح اللي مرميه عند الزبايل حتى الحيوانات عافتها وياليت الاسراف في النعمه بين علينا الا انواع الامراض سكر وضغط وجلطات
بزران زمان كان يتمتعون باللعب في التراب ولا بقايا حديد اواسلاك مرميه
والبنات يجمعون حققه الصلصه ويسونها مواعين مطبخ والحين بلاي ستيشن واسواق وملاهي وفُله وباربي ولا تملى عينهم وانواع العقد النفسيه
النفوس كانت طيبه والقلوب صافيه

اصلا وش استفدنا من التطور ؟؟
كل تكنولوجيا توصلنا نستخدمها غلط في غلط
البلوتوث كان من اعظم الاختراعات لانه ينقل الملفات بطريقه سهله وسريعه بالله في ايش استخدمناه ؟؟
السيارات اخترعوها عشان توصلنا وتختصر المسافات
وحنا حصدت نص ارواح السعوديين
التلفزيون كل برامجنا تقليد للغرب
وغيرها وغيرها

الله يسقي زمااااااااااااااااااااااااااااااااااااااان
مشكور اخ يوسف