ياعين جدي كل ماشفت زولك
جعلي فداك وباقي الناس تفداك..
جامع جمال الكون وماخذ قبولك
واللي عطا يوسف من الزين أعطاك..
واللي يقول الزين ماهو بحولك
الزين والله منبعك لا عدمناك..
مايختلف بالزين قولي وقولك
حبيبي مافيه شي يتعداك..
هذي سنتك وهاذي أربع فصولك
وهذا زمانك واغلب اللي تحداك..
وخل القلوب تحير حزة دخولك
وخل العذارى تفتكر في مزاياك..
وان كانهم من عقبها صفقولك
مافيه داعي ترفع اليوم يمناك..
مالك منافس ياحبيبي يطولك
يانادر مافيه مثلك وشرواك..
انت الحبيب وحظ من هو ينولك
ياقلب (ولييييد) كل ماحل طرياك..
مهما يدور الوقت حولي وحولك
خلك معايه وأسعد الله ممساك..
وياعين جدي كل ماشفت زولك
جعلي فداك وباقي الناس تفداك..