الامير سعود بن بندر كان ولايزال من كبار شعرا الخليج
يرحمه الله
وهذا بعضاً من رثاء امه الاميره البندري فيه
من قرء كلماتها احس بلوعة الحرمان والالم
الدمع غار
ليت المنايا وقفت عنك ياسعود
خلّتك لين أوريتني في ضريحي
ياليتني حطّيت انا عنك بالعود
وانت معافا ياجنيني صحـــيحي
أنت الصديق الصادق الود ياسعود
وانت الطبيب لقلبي اللي جريحي
انا أشهد أني عقب فرقاك مقرود
ماأنلام انا لو كان اصفّق واصيحي
والله لصيحك لين أجاورك ياسعود
الله يعجّل جنب قبرك مطيحي
الدمع غار وجفّت العين ياسعود
والقلب ينحب والجوارح تصيحي
****************************************
لين اجتمعتوا
لين اجتمعتوا لدّت العين لسعود
قامت تلفّت وين قرّة نظرها
وين الكريم اللي سلك سكّة الجود
كم واحدٍ نفسه كسيره جبرها
أضحك وانا قلبي من الحزن ملهود
وأغضى وأذل العين تنثر دررها
رضيت بالمقسوم وأيامي السود
وكتمت نيرانٍ تطاير شررها
أبي رضا ربٍ كريمٍ وماجود
علام مافي برّها مع بحرها
لعل يجمعني بهم خير معبود
في جنة الفردوس نقطف ثمرها
تقبلوا أطيب التحايا
ســ ي ـــف الــ ع ـــرب