كثر ماترمش عيونك
كثر ما في سماك نجوم
أحبك واعشق جنونك
يزيد الحب يوم بيوم
* * * * *
أحبك ياهوى روحي
يا أغلى من غلا روحي
هواك بكوم والعالم
هواها ياحياتي كوم
* * * * *
كثر ماتمطر الغيمه
على الفانوس والخيمه
كثر ماقلت لك عمري
كثر ما عاف جفني النوم
* * * * *
أحبك ياربيع أخضر
به الأزهار تتمخطر
أحبك أكثر وأكثر
من الاحباب وقت اللوم
* * * * *
أحبك كثر حبي لك
كثر ماتغيب واشكي لك
كثر ماقلت لك خايف
وبتعلم معاك العوم
أحبك أكثر وأكثر...