**************************

فيك هذا قصيدي للملا أعلنه
واعلن اني احبك فوق حد الجنون

مابقى وسط قلبي لغير قلبك أمكنه
ماسكن فيه غيرك لا حشى مايكون

كل نبضٍ بدمي انت من يسكنه
وكل عرقٍ يحبك حالفٍ مايخون

انت اصل الشموخ ومنبعه وموطنه
انت سيد الرجال وكلهم يعرفون

خذت من كل غالي اكمله واحسنه
لين صار الغلا ان جاه وصفك يهون

بس قول وتكلم .. تخرس الالسنه
ارفع الراس واطعن بالهدب والعيون

والله انه سعيد الحظ من يطعنه
سهمك اللي على من صاب قلبه يمون

اترك الخلق وارحل للبعيد و هنه
وخلهم في عماهم باللقاء يحلمون