مساج الله بالخير والسرور اختي شاهن.......
شوفي اختى لو تكلمت من ناحية الشرع فهو امر مسمووووح دام الاثنين من نفس الدين.وهذا امر لايختلف عليه اثنين.
ولكني بقول رايي الشخصي بغض النظر عن الدين وبصراحه ..
من ناحية زواج خليجي من خليجيه عاااااادي اماراتي يتزوج سعوديه عمانيه تتزوج قطري ...الخ عادي( لان مهما اختلفت الجنسية بينهم لكن يظل الطبع نفسه والعادات نفسها مع اختلافات نسبية..وياما شفنا هالحالات وعايشين عااااادي (ريلاااكس على قولتهم) ..........إلالا في حاله وحده وهي إن حصلت مشاكل بينهم وفي حياتهم أطفال هنيييه يصبح الوضع شوي صعب (وييييين يروووحون الاطفال هذيييج الساعه ؟؟؟)
هل يقبل الاب من هذا الزواج والاخ؟؟؟؟؟ ووالله مدري عاد ((يمكن يكون في البدايه هناك رفض بحكم الجنسية من البعض وبعد المسافه من البعض الآخر ..(يعني أحيانا الام خصوصا تخااااف تبعد بنتها وتروح عنها بلد ثاني)......((حاليا تلاقين رفض الاهل لان الزوج من القبيلة الفلانيه فماااااااااااا باااااااااالج لو كان من بلد ثانييييييييي؟؟؟؟؟؟))وهذا الامر نعتبره شوية تعصب من البعض.
أما الزواااااج من غير خلييييجي........أنا ارفضه بتاتا يتاتا .لاسباب هي:
أولا: لان الاهل أساااااااسا بيرفضوووووون ولا حتى بيشااااوروووووني....وتعرفين لان الناس بتتكلم فلان زوج بنته من البلد الفلاني....... والله انهم باعوا بنتهم.....ويبون يتخلصون منها ......ووووو.وهااتك ياحششششش فينا وفي اهلنا002;l)
ثانيا: انا خليجيه واتكلم خليجي وعاداتي خليجيه ..بس اولادي شو يطلعون وعلى أي نمط
أربيهم وألبسهم وأعلمهم (هل اعلمهم مصري لو كان الزوج مصري او هندي او فلبيني او امريكي...؟؟؟؟؟؟؟؟؟) الوضع صعب وتعرفين الاختلاف بيننا وبينهم كبير ومو بسيط أبدا.
ثالثا: كل بلد يعتز بنفسه وكل فرد يعتز ببلده وبأمه وأبوووه وبأصلهم ...فما بالك لو كنتي بين أهلك وطفلك يلعب مع بقية الاطفال ويعايبون أو يعيروووونه بأصل ابوه (هنا الوضع حساس للغايه بالنسبه للطفل )وتدرين الاطفال بينهم وبين بعضهم هالايام حتى بالاصل يتنابزون هل تقبلين أن يقال لابنك ياولد الهندي مثلا؟؟؟والله آسفه مو القصد السخريه من جنس الهنود.....ولكن هذا واقع وحاااااااصل (نفس الوضع لما يقولون للطفل اللي ابوه خليجي وامه مثلا هنديه) ولكن هنا صار العكس.(((((((هذا اهم سبب المفروض أفكر فيه )))))) لان الزواج مو فرح اول ليله وأول شهر بس.
انتي اول ليله عروس وبعد كم شهر ام وبعد سنه تحملين هم أطفال وبيت . وتكونين مسئوله عنه حتى من جانب الراحه النفسيه لك ولاطفالك بعد.
رابعا: لو قدر الله وحصل طلااااااااق او مشاااكل راح يصير في السالفه محاااااكم والاحكام تختلف من بلد لاخر وخصووووووصا ان هالزمن بالخليييج ومحاكمنا واحكامن رايحه وطي ومافيه عدل ..شلووووووووون في دول أخرى وخصوصا غير عربيه ... وكل ماكان عندك اطفال كل ما تعقدت السالفه اكثر وأكثر.
خامسا:على مايقولون عندنا ان لو تزوجت غير اماراتي او خليجي يسحبووووووون الجواااااااااااز.......وبعدييييييييين وين أرووووووووح... ما أضمن أعيش طول عمري مع هذا الزوج.
سادسا: الزواج من غير ولد بلادي او خليجي امر صعب وفي حياتي راح تكون هناك تعقيدات ربما لم احسب حسابها قبل الزواج لاني لم افكر عند زواجي في مستقبل قادم ..فقط انحصر التفكير على ان اكون عروس ولها زوج يهتم فيها و...و...و.....الخ. يعني كل التفكير يكون عاطفي ...وبعد مرور السنه او السنتين ابدأ في تلقي الصدمات واحصاء الاخطاء..
هذا اللي عندي ياشاهن .ماادري هالاسباب اللي قدمتها مقنعه ولو اني مااستفضت فيها...
وإن كان عندي زياده زدتك من الللي عندي....والسموحه حبوبهbgfgt)
|