الله على اللي وصلتني بالغلا حدّ الجنون

الموت والله عقلها.. لا والله إلا جنونها

الله على اللي لو يخون الغير ما تقدر تخون

غير المحبّه والوفا ما مر في قانونها

كلّ الخصال الرائعة جتها وضمّتها بهون

السحر جا في شكلها.. والصدق في مضمونها

الموت الأحمر مجتمع كلّه بهاذيك العيون

يا كثر من بالمقبره راحوا ضحايا عيونها

عزمي وصدقي .. صدق بأسمى معانيه
بي عفة المهرة وبي روح خيّال
وحدي وصلت العز لأخر موانيه
أنثى .. ولكن عن ألفين رجال