ماني مجازيك في صدك وهجرانـك
ودعتـك الله وتلقـى واحـدن ثانـي


أتعبت الأعيان والأقدام من شانـك
وانته ولاشي سويتـه علـى شانـي


فزيت لك يوم قلت اسمك وعنوانـك
لوكان ماتنتمـي لاسمـي وعنوانـي


ماجيت ادورك و لا أطـق بيبانـك
والا أترجاك مثل فـلان وفلانـي


أنت الذي جيت لي وأعلنت بلسانـك
انك على شوفتي جايع وعطشانـي


صدقت هجرك ومنطوقك من لسانك
وأقبلت لك مندفع من كل وجدانـي


ما كنت أفكر يجي في يوم نسيانـك
وأنساك وانت معاهدنـي ماتنسانـي


الابعد ما قريـت الكـذب فاعيانـك
حاولت اوادعك وانسى كل ماكانـي


خلاص مانـي بـ متعنـي علشانـك
ودعتـك الله وتلقـى واحـدن ثانـي


الشاعر
تركي الميزاني