محاورة العمالقة
(سعد بن جدلان)
(ضيدان بن قضعان)
(محمد ابن الذيب)
محمـد الـذيـب
عساك ياضيدان بن قضعان تبطـي ماتمـوت
وإن كان جاك الموت قلنا:عان سعـد الأكلبـي
التمر في نجد العذيه والعسل فـي حضرمـوت
والثانيه خلّـك وخلّـه مـن دبـي لبوظبـي
سعد بن جـدلان
يا الله عساها فالبشوت ولا توقـع فالبخـوت
ذا الليل يالعجمان بأشكيكم على حاكـم دبـي
ضيدان بن قضعان
أنته تشوت أحيان مير أحيان ماتقـدر تشـوت
أحيان أقول إنك ذكي وأحيان أقول إنـك غبـي
محمـد الـذيـب
الاجنبي شكواه في حـق المواطـن ماتفـوت
وأنت أجنبي ياالأكلبي واللي مخاويـك أجنبـي
يااللي تصلـون القيـام ولاتصلـون القنـوت
لهم يابن قضعـان مذهـب مايوافـق مذهبـي
سعد بن جـدلان
يالشاعر ابن الذيب نسمع لك مع الشعّار صوت
لكن أشوفك تطرق البيبان مـدري وش تبـي
ضيدان بن قضعان
يامحمد بن الذيب تتبع صاحبينك فـوت فـوت
والدرب قدمك خـط عرجانـي وخـط أكلبـي
محمـد الـذيـب
ياالأكلبي شهادتـك كنهـا خيـوط العنكبـوت
ما أنته بصايد ذيب فيها لو تصيد بها الظبـي
لاأهل الجموس من الدلاله مثل ما لأهل الفروت
وأنته وأبن جدلان مـا فيكـم فقيـه ولا نبـي
سعد بن جـدلان
بالله يا ابن الذيب خليّنا مـادام إنـا سكـوت
من قبل لا أشّر لك بنص أصبع وأقولك يا صبي
ضيدان بن قضعان
أنته اليا هب الهوى تربط شـراع الجيلبـوت
لكـن طراداتنـا تفـري الخليـج اليعـربـي
محمـد الـذيـب
قبل أمس وأنتم من كبيرين العمايم والبشـوت
والبارحـه حطيتكـم مابيـن دقنـي وشنبـي
واليوم أصففكم مثل صـف المغنـي للبيـوت
ما أحد(ن) خشير لي على ميراث جداني وابي
تقبوا اصدق الود
ســـــ ي ــــف الــــ ع ــــرب