عبس وجه الزمان ومابقى فيني كثيـر شعـور
نزف جرح الحقيقـة وانثنـى يبكـي لعشاقـه

تركتك وادري اني من تركتك عشت في ديجور
ترى حتى قليبي عاش في ضيقة مـن اشواقـه

تركتك مثل مالطفل الصغير يعيش ظلم وجـور
ظلمتك لاني اختـرت البعـاد ونكهـة فراقـه

تركتك رغم عن حبي الشديد وعشقنا المأثـور
تركتك راغمٍ أنفـي وروحـي حيـل مشتاقـه

وداعك يخنق أنفاس الصباح وبسمة العصفـور
وداعك يحرق أزهار المداين يسقـط اوراقـه

تعااال وشوف أحوال الخفوق اللي غدا مهجور
بكته الأرض وأنفاس الطيور وشمس حرّاقـه

نبت فيني من بعادك غصونٍ مورقـه وزهـور
سقتها دمعـة عيونـي بمويـه حيـل رقراقـه

أنا مابيك ترجع لي ولو قلبـي غـدا مقهـور
وأنا مابيك ترجع لـي ولـو هالنفـس شفاقـه

كفاية حسرة الماضي تحور بداخلـي وتـدور
ألمها يصفع جروح المفـارق وسـط خفاقـه