السلام عليكم ورحمة الله وبركاته

الشاعر سليمان بن شريم

أحد أركان الشعر النبطي في الجزيرة العربية

والمتوفى سنة 1363هـ رحمه الله

البارحة ما طبق الجفن بالعين
ولا مسها جفن العنا كود با رماش
سهرت عيوني والمخاليق نيمين
من واهج(ن) باقصى الحشى حرق الجاش
عزي لمن مثلي تجلا من الدين
خلا حلاله للديايين وانحاش
قعدت حسرٍ(ن) في بلاد ابو عينين
الكيس خالي والبحر مابه عراش
يا راكبٍ(ن) حمرًا بها جملة الزين
بد الشداد لكورها ما بعد ناش
ما مونةٍ (ن)تمشي على العسر واللين
والعصر ممشاها ورا هاك الاوراش
صبح الثمان تنوخ العصر بالعين
تعبانةٍ (ن) من عقب مسرا ومغباش
سقها وقلطها على الربع الاثنين
الكل منهم كفه الطيب قد حاش
ماهو حدث لا قيل نعمٍ)ن) بالاخوين
ورث(ن) لهم ماجاهم المدح ببلاش
من شايبٍ (ن) ما عظ بد القريبين
ولاهوب لوجيه الموالين خماش
خوفوا من الله يوم عرض الموازين
برسالةٍ (ن) منها اقبل الزاد واعتاش
زبدة كلامي مع ذلول المعنين
وارجي مراديده مع ادناة طراش

تقبلوا أصدق الـــود

سيـــــــــــــــــ العرب ــــــــــــــــف