غافل الهم قلبي و الزمان استدار
و شوقي اللي هويته اصبح اليوم ضدي
طال ليلي الا وينه ابيه النهار
و ضاعت خطاي حتى الدرب عيا يودي
يالغضي كيف اشوف الحلم و النوم طار
و الحقيقه تعل الحيل غصب و تهدي
كل حزنن تلملم من يمين و يسار
اجتمع في خفوقن باح سده و سدي
ناظر الحال و العود الخضر كيف صار
الشقا محتويني و التعب مستبدي
خالف الحظ عمري و استثار الغبار
و البيارق تهاوت و الهزيمه بيدي
يالغضي طحت كلي في دهاليز نار
و استحالت دموعي جمرتن فوق خدي
آه وا شقوة اللي عايشن في انتظار
من كثير التعاسه ما درى وش يبدي