مـدري وش اقول .. كل اللي بقى شمعه=اشعل بها الليل .. والا اشعل بها الهامي
يا مـشقي العـمر .. لجلك هلت الدمعه=انت اول الغــيث .. والا تالي أيامي
ان كان ترجي .. من اللي ودعك رجعه=بشر حراويك .. ما شحت بها اقدامي
اهواك احبك ولكن .. دونك السمعه=ترفض يكون الوريد .. المرتوي ظامي
اموت واحيا .. وقدري فوق بالرفعه=ما همني لو عصاني .. جرحي الدامي
مادام سيفك .. حبيبي باهي اللمعه=يكفي رماد الحنين .. الباقي احلامي
ان صافحك بوحي .. اللي تشتهي سمعه=انسى اغترابك .. وعانق حبي السامي
ارحل على خير .. واجمع مابقى جمعه=واترك عذاب السنين .. وصرخة اوهامي