زلاتك الي مانفع فيها احساب=لاجيت اعددهن ثمانين زله
احرجتني بين القرايب والاحباب=كن الجفا سيف بوجهي تسله
ماكنت اقصر فيك من كثر الاعجاب=يومك تساوي عندي الكون كله
كنت القريب وكلهم كانوا اغراب=حتى القمر لاغاب شفتك محله
خلاص لاترجع ترا خاطري طاب=مابي طرا اللي كنت عايش بظله
رح واعتبرني واحد اذنب وتاب=ماني بثوب تلبسه ثم تمله
مايجتمع بالحب صادق وكذاب=رزقي على الله وانت رزقك على الله
سو الي براسك ولاتذكر اسباب=لاصرت بايعني توكل على الله
ماراح تغلبني لو الحب غلاب=من حضرتك عشان قلبي تذله