يسعد ربي كل اوقاتكم
رائعه لـ سعود بن مهدي العجمي !!



كفايه .. وماحصـل بالأمـس يكفينـا
لاتحنّي ايديك ,, خـل دموعـك الحنّـا
الى متى ؟ نكـذب ! .. ونوهـم امانينـا
مليت اجامل .. واقول آنّا واقـول آنّـا
تعال عند المكان .. اللـي ضـوى فينـا
عشان أورّيك وش صرنا ؟ ووش كنّـا ؟
خلنا نتوادع ( هنا ) .. ( هنـا ) تلاقينـا
( منّا ) بدى الحب .. لازم ينتهي ( منّا )
ماللزمـان أي سبّـه .. فـي تجافيـنـا
وش له نلوم الزمن ؟ دام السبب حِنّـا !
صارت صباحاتنـا ,, تشبـه أماسينـا !
لابانت الشمس ! ,, والعصفـور ماغنّـا
لو نـدري بنفتـرق ؟ ماكـان حبّينـا
ولا تركنـا ( قلـوب الحـب ) تتمنّـا
وش هو نسوي بعد ! .. وش هو ماسوينا
مقسوم .. والله كتب ( حكم القدر ) عنّا
في الحب ( أحاسيس ) .. ماتوصف بأغانينا
أسمى من الوصف ,,, وأرقى مـن تخيلنّـا
(( موضوعنا منتهي )) .. ماعـاد يمدينـا
عمر ٍ خسرناه ! ,, لايمكـن يـرد إلنـا
واذا رجعنـا لبعـض ولاً تراضيـنـا !
لاتحسب آنّـا ,, بنرجـع مثـل ماكنـا



تحياتي

سسمو آنسسآنه