من الهجر يا صاح شفت المضره
جرحي مثل جرحك له سنين ما طاب

حتى النظر ما يفيد وان جاك عذره
حبه سطى بالجوف والوجد نهاب

زوله وسط عيني وقلبي مقره
لو غاب عني طيفه ليوم ماغاب

شوقي عذاب شوفتي له بحسره
ليته درى في قلب من حبه إنصاب

عمري مضى ما بين حلوه ومره
والعمر فاني والهوى كله اسباب

أحبس دموع سالت اليوم نثره
وأكتم وداري دمعتك عند الأجناب

أصبر عسى الأيام تبدي المسرة
واللي مضى خله مع هم وعتاب

خل الأمل موجود بيدك مرة
يقولها اللي طال جرحه من أحباب