جيتي رسالة حب واشواقك اشواق
جيتي مشاعر تحترق حب وتخون
جيتي عواطف للاسف كلها عتاق
بعثرتها للريح في آخر الكون
كلك تساوي في نظر عيني فراق
وكلي غدى من سبتك نظرة عيون
ياما نسيتك واذكرك لحظة عناق
وياما كرهتك واعشقك كنت بجنون
كنتي لي اللذة ولك عمر ينساق
كنتي لي الدنيا بغيرك ولا اكون
حتى غديتي حب من دون خفاق
وحبك غدى عادي ولا صار له لون
ما عاد يجذبني ولا عدت انا اشتاق
وعمري غدى من سيرتك جرح وطعون
متأخرة جيتي ولي صار عشاق
عقبك وفا غيرك‚‚ ومثلك يخونون