يـاحـدود ( وبالـوفـا ) مـالــك حـــدود=ويـن أبهـرب منـك فينـي يابـعـدي !!
كـل ماهـب الشعـر .. لـك فـاح عـود=وكـل ماجيـت أنتهـي فيـك أبتـدي !!
أنتي أصدق من سكن هـذا الوجـود=وانتـي أغــلا مــن تسّـبـب جْـهـدي
الليـالـي يالعـيـون الـسـود .. سّــود=تـشـبـه أحــــلامٍ تـجـيـبـك وتْــغــدي
الـقـمـر والـلـيـل ونـجـومـه شــهــود=أنــي أسـهـر فـيـك حـتـى بمْـرقـدي
جـيـت عـنـدي أسئـلـه تـبـغـى ردود=يانظـر عيـنـي تــرى طــال أسْـهـدي
أسـألـك بالله وش معـنـى الصـمـود=لاغـدى ( مـي البحـر ) جـمـر بْـيـدي
وأسألـك بالله وش معـنـى الـصـدود= لاغـدى مـوتـي يـسـاوي مـولـدي !!
دام حتـى النـقـص صــار الـيـوم زود= مـاألـومـك .. لانـسـيـتـي مــوعــدي
يـاسـحـابـه مـزنـهــا دايــــم يــجـــود= كيـف أبـروى والثـرى خـان أبِْـردي ؟
يــاأول حــدود الـوفـا وآخـــر حـــدود= لو يغيب سهيل وش ذنـب الجـدي ؟
جيـت شـاعـر ضـايـقٍ فـيـه الـوجـود=جيـت أكّـحـل فـيـك عيـنـي بـرْمِـدي
جيت أبقطف لـك مـن أغصانـك ورود=جيـت أظلـك تـحـت ظـلـك وأهـتـدي
يحرسـك ربـي مـن عيـون الحـسـود=ولـعــي نـــارك بـصــدري وأرقــــدي
داخلي صيحه كمـا ( صيحـة ثمـود )=ورث مــن جــدي وأبعطـيـه أولْـــدي
والله أنــي مـانـي أنـســانٍ جـحــود=لكـن همـومـي حدتـنـي لــك حِْــدي
وياحدود ( المسأله ) ماهي حدود ؟=البـلا لاضعتـي وأنتـي فــي يــدي