هالقصيده للشاعر المرحوم : منصور الرمالي الشمري


ياحدود وبالوفاء مالك حدود
وين بهرب منك فيني يابعدي
وكل ما هب الشعرلك فاح عود
وكل ما جيت انتهي فيك ابتدي
انتي اصدق من سكن هذا الوجود
وانتي اغلا من تسبب بجهدي
الليالي يالعيون السود سود
تشبه احلامن تجيبك وتغدي
القمر والليل ونجومه شهود
اني اسهر فيك حتى بمرقدي
جيت عندي اسئله تبغى ردود
يا نظر عيني ترى طال سهدي
اسئلك بالله وش معنى الصمود
لا غدى مي البحر جمر بيدي
واسئلك بالله وش معنى الصدود
لا غدى موتي يساوي مولدي
دام حتى النقص صار اليوم زود
ما الومك لا نسيتي موعدي
يا سحابه مزنها دايم يجود
كيف ابي اروى والثراء خان بردي
ياأول حدود الوفاء واخر حدود
لو يغيب سهيل وش ذنب الجدي
جيت شاعر ضايقن فيه الوجود
جيت اكحل فيك عيني برمدي
جيت ابي اقطفلك من اغصانك ورود
جيت اضلك تحت ضلك واهتدي
يحرسك ربي من عيون الحسود
ولعي نارك بصدري وارغدي
داخلي صيحه كما صيحة ثمود
ورث من جدي وابي اعطيه ولدي
والله واني ماني انسان جحود
لاكن همومي حدت لك حدي
ويا حدود المسأله ما هي حدود
البلا لا ضعتي وأنتي في يدي