أكذب على نفسي .. إذا قلت بنساه=وأكذب بعد .. لاقلت حبه نسيته
بالحلم . أنا البارح .. تقابلت وياه=ومن فرحتي .. عرفت ماقد نسيته !!!
كتاب حبي .. قامت العين تقراه=وبللت صفحاته .. بدمع بكيته
الأوله : خصصتها .. ليوم لقياه=أول تلاقي .. مع حبيب هويته
والثانيه: فيها اعترف .. اني اهواه=وسلمت له قلبي .. وقلبه خذيته
والثالثه: فتحتها بس .. قلت آآآآآه=فيها سطر .. ياليتني ما قريته
فيها نهاية يوم .. فرقاي وياه=يوم التعاسة .. يوم حبي بكيته
ضميت صفحاتي . لصدري .. وقلت آآآآآآه=يا ليتني في دنيتي ما لقيته
مختارة : اتمنى ان تحوز على اعجابكم