والله ولا أنــته مناة الروح والخاطــــر=مايــنحـني راسـي إلا لامـر خـلاقــه
وصــلتــها حد ها .. وأنت الذي خاسـر=كرامة النفس عندي .. حيل ســــباقــه
صبرت لك .. لين ضاق الصبر م الصابر=وأنته تـزوّ د لهيب القلب .. وحراقــــــه
تلعب على مين .. ع المكشوف ياشاطر=هــذاك ولاّ .. زمان اول مع الطاقــــــه
بكتب قرارالفـراق .. بمجلسي ساهـر=وبقطع جذورك .. من الخاطر وخــفاقـــــه
وبسـقيك من علقمك كأسين .. يافاجـر=حتى تعرف الهـوى .. وســلوم عشاقـــــه