لا تعذبني وانا ماني خليّ من العذاب=لا تزيد الجرح عمق ولا تزيد الروح هم
غبت عنّي يا حبيبي وش هي اسباب الغياب=تاركٍ قلبي وكنّه عايشٍ مافيه دم
انت معنى دنيتي وانت لي روح الشباب=أنت كلّي يوم كلّي منتثر من دون لم
من غيابك في عيوني اجتمع غرّ السحاب=وانهمر دمع العيون وكالمطر لا منه عم
انغلق باب السعادة وانفتح ستين باب=كل بابٍ ماقفاه إلّا معانآآة وألم
ودّي اوصف لك عناي وما ابغي آزيد العتاب=وانت فاهم حالتي فيك ماخاب العشم
ارفق بحالي ترى جسمي نحل والراس شاب=ولا انا باقي صغير وامّلت فيني أمم
لعن ابوه الحب واثره يكْسر الروس الصلاب=شل ناسٍ مالحياة وجاب ناسٍ من عدم
احسب أيام الغياب .. وقمت ألخبط بالحساب=واعتقد بكرة يكمل خمسة اسنين ويتم
مو مهم اني عليل ومو مهم إنّي مصاب=الاهم انك تجيني يا أهم من المهم