المشاركة الأصلية كتبت بواسطة ابوفهد العمري

بسم الله الرحمن الرحيم

لكم الاحترام جميعا واقول اسمحوا لي بالمشاركة0
زمان افضل من الوقت الحاضر من يقول كذا فربما لااوافقه الراي ابدا فانا عشت الفترتين0 لعدة امور منها :
1- الحياة : زمان تعب وكد ونكد من يوم تقوم الفجر وحتى ترمي نفسك على الارض ولا اقول على الفراش لانه لم يكن هناك فراش 0
2- المعيشه: زمان فقر وجوع واذا وجدت لقمة ( قرص) خبز الصباح بدون اي شيء معها الا الماء او مثلها عند الظهر واما العشاء انت وحظك فيه او ما فيه فالنوم على الحصير فايده0
3- اللباس: على راس السنه تجد ثوب من قماش المبرم ابو نخيل اقرب ما يكون الى اكياس الخيش ولا تغيره الا بعد ان يكون كله رقع ولا عاد فيه امل ان يُرقّع 0
4- التواصل والترابط : نعم افضل من الآن ولكن السبب هو الحاجه لبعض لا يمكن ان تستغني عن رفيقك ابدا حتى لو صار بينكم مايصير لازم تواصله ويواصلك لان الحاجة تجبر 0
5- الذين يقولون الله يسقي زمان وانا منهم ليس لان ايام زمان افضل ولكن لاننا نحن اصبحنا في اخر العمر ولم يعد لشيء طعم مثل زمان 0 زمان اللحم لاتحصل عليه الا عند عيد الاضحى فقط الا ان يجي عند احد ضيف ويذبح وهذه نوادر 0والاكل الذي يشبعك نادر انك تجده فعندما تجده ما فيه شك سوف يكون له طعم 0 وكذلك الثوب الجديد في السنه مره ان وجد واليوم مع كل راتب تفصل اما صيفي او شتوي كبك او ساده قطري او كويتي او سعودي المهم كلما اعجبك شيء فصلت فلن يكون له طعم مثل ذاك 0المواصله كل واحد جيبه فيه فلوس وايش يبغى من الاخر؟ مستور في بيته وايش يبغى من الاخر ؟ لاعدو يخاف منه وايش يبغى منك ؟ اذا خلك بعيد حبك يزيد 0
الخلاصة : نقول الحمد لله رب العالمين على نعمة الامن والامان ورغد العيش والحياة الهنيه والله لايعيد ايام زمان ايام الجوع والخوف والحاجه عساكم ما تشوفونها ولا المسلمين الصدق يقال اذا قلنا ايام زمان فلاننا لم نعد نتلذذ بالحاضر نظرا لكبر السن وتغير المزاج مع احترامي للجميع 0